اليوم نتعلم طريقة عمل كلاص ماي

اليوم راح اعلمكم شلون تسوون كلاص الماي وطبعا الطريقة صعبة ومعقدة الي يريد يحفظهة يجيب ورقة وقلم يلا نبدي
1- اولا تتجه نحو المطبخ
2- تروح على الرف المخصص لوضع الكلاصات
3- تستنكي كلاص مضبوط حتة ميوكع المي منة وشوفيه نضيف زين حتى اذا لا غسليه
4- ورة متختار الكلاص المضبوط تتجه نحو النهر
5- تطلع من باب بيتكم ورة متبدل ملابسك طبعا
6- تفتح الباب مال الحوش
7- تضرب قدم لمدة نص ساعة بما يقارب 45دقيقة بالتوقيت المحلي(محلي لو محلك)
8- وصلت هسة للنهر
9- تغرف بالكلاص مي من النهر
10- ترجع للبيت
11- تحط المحتوى الي بالكلاص بجدرية(حتة يتعقم)
12- تنتظر لمدة ربع ساعة اي ما يقارب ال30 دقيقة بتوقيت العراق الخريفي(لا صيفي ولا شتوي)
13- تجي تكشف الجدر طبعا نسيت اكلك هذا الجدر ينحط على النار
14- وراح تلكة مفاجعة بانتظارك والتي هي (الجدر فارغ لان المي تبخر) لانكم نسويتوا على النار

والف عافية على كولة الطباخين ...

هههههه
شكرا على الطريقه

اهلا وسهلا بيك بهذا المنتدى....... ليش ترى كلاص الماي اكلة....... وبعدين اكو غير اكلات طلعها موجودة بالمنتدى
ومرحبا بيك مرة اخرى